கழுதையிடம் கற்பூர வாசனை பற்றி கேட்பது தவறுதான், இசைப்பிரியா பற்றி கேட்கலாமா?
தீபாவளி கொண்டாடும் அன்பார்ந்த மக்களே. தீபாவளி கொண்டாடக் கூடாது ஆனா கொண்டாடலாம் என்று குழப்பத்தில் உளழும் முற்போக்கு அறிஞர் பெருமக்களே. உங்க எல்லாத்துக்கும் வணக்கமுங்க. நரகாசுரன் வதம்தான் தீபாவளி இல்லையா? நரகாசுரனை ஏன் கொன்னானுங்க? எந்த சூழலில் கொல்லப்பட்டிருப்பான் என்பதை கற்பனையாக உருவகித்து புரிந்து கொள்ள சிரமப்படுபவர்கள். முள்ளிவாய்க்காலில் சிங்கள இனவெறி எனும் முகாந்திரத்தின் ஊடாக இலங்கையை கையகப்படுத்தும் இந்தியா-சீனா-அமெரிக்கா-பாகிஸ்தான் கூட்டுச் சதிகாரர்கள் நடத்திய படுகொலைகளை பார்க்கலாம்.
சிற்பான்மையினரின் பண்பாட்டை பெரும்பான்மையினர் ஒடுக்கி அழித்த வரலாற்றின் உச்சக்கட்ட நிகழ்வுதான் முள்ளிவாய்க்கால். பார்ப்பன பண்பாட்டு படையெடுப்பு எனும் சிறுபான்மை இங்கிருந்து பெரும்பான்மை பண்பாட்டை கபளீகரம் செய்த வரலாறுதான் தீபாவளி. நரகாசுரனை கொன்ற சூழலின் தகிப்பு புரிய வேண்டுமா? இதோ முள்ளிவாய்க்கால் முற்றுகை தாக்குதலின் போது ஒழிக்கப்பட்ட இந்த இசையின் குரலை பாருங்கள். புலிகளின் தொலைக்காட்சி செய்தி அறிவிப்பாளர் இசைப் பிரியாவின் படுகொலை நிகழ்வு உங்களுக்கு புரிந்தால் தீபா'வலி'யும் புரியும்.
நரகாசுரன் கெட்டவன் என்பவர்கள், பிரபாகரனது பிணத்தை பார்த்து இதே போல பேச முற்படுவார்களா என்று யோசிக்கிறேன். பிரபாகரனின் தவறுகள் தீபாவளிகளை நியாயப்படுத்திவிடாது. நராகசுரனின் தவறுகள் முள்ளிவாய்க்கால்களை புனிதப்படுத்திவிடாது. கிருஷ்ணனும், பெருமாளும், விஷ்ணுவும், மோடி ராஜபக்சேக்களின் புராண பிம்பங்கள்தான். புனித பிம்பங்களை கேள்வி கேட்காதே என்கிறீர்களா? சரிதான் நரகாசுரன் காலத்தில் எப்படி சிறுபான்மை பெரும்பான்மையை ஒடுக்கியிருக்கும் என்ற கேள்விக்கு பதில் இதுதான்...
